{{string}}


სახელი:
E-მაილი
ტექსტი
ხარაგაულის მუნიციპალიტეტი
MUNICIPALITY OF KHARAGAULI
  • 5 აგვისტოდან ზვარეში ხარაგაულელი ახალგაზრდები დაისვენებენ

    ზვარე „მშვიდობის კორპუსის“ Life camp–ს მასპინძლობს. კარვების ბანაკში საქართველოს სხვადასხვა მუნიციპალიტეტებიდან  45 ახალგაზრდა ისვენებს. ბანაკს ათი ლიდერი ჰყავს, მათგან რვა „მშვიდობის კორპუსის” ამერიკელი მოხალისეა.

    „მშვიდობის კორპუსის” ბანაკი ზვარეში 5 აგვისტოს დასრულდება. ამის შემდეგ კი, კარვების ბანაკში   ხარაგაულელი ახალგაზრდები დაისვენებენ. ხარაგაულელებს ზესტაფონის, თერჯოლის, ბაღდათის და ჭიათურის მუნიციპალიტეტების ახალგაზრდებიც შეუერთდებიან. მათ შორის იქნებიან წარჩინებული  და სათავგადასავლო ტურთამაშებში გამარჯვებული მოსწავლეები. ბანაკი 15 აგვისტოს დაიხურება.

    ხარაგაულის მუნიციპალიტეტის განვითარებისა და შიდა ტურიზმის ხელშეწყობის ცენტრის დირექტორის ბერიკა თურმანიძის ინფორმაციით „მშვიდობის კორპუსის“ წარმომადგენლები თებერველში ჩამოვიდნენ ხარაგაულში, ზვარის ტერიტორია დაათვალიერეს და  თანამშრომლობის სურვილი გამოთქვეს. მისივე განმარტებით ეს არის პირველი პროექტი, როცა ტურიზმის სამსახურს  ბანაკის ორგანიზება დაუკვეთეს (ღირებულება 6700 ლარს შეადგენდა). ხოლო კარვების ბანაკის  ტექნიკური მოწყობა, ტრანსპორტირება და კვება  ტურიზმის ცენტრმა უზრუნველყო.

    „ზვარეს ბანაკის ფუნქციონირება მნიშვნელოვანია ადგილობრივი მოსახლეობისთვის  და მთლიანად ხარაგაულისთვის. იმისათვის, რომ აქ ინფრასტრუქტურა მოეწყოს აქტიურად მუშაობს ხარაგაულის მუნიციპალიტეტის გამგებელი კობა ლურსმანაშვილი. ზვარეში იქნება, როგორც ზამთრის ასევე საზაფხულო ბანაკები, რაც მნიშვნელოვანი იქნება ტურიზმის განვითარებისთვის.“ - აღნიშნავს ჩვენთან საუბარში ტურიზმის ცენტრის დირექტორი ბერიკა თურმანიძე.

    „მშვიდობის კორპუსის“ დირექტორი საქართველოში სტივენ სმიტი: „მშვიდობის კორპუსი“ საქართველოში 2001 წლიდან მუშაობს. ამჟამად, 117 მოხალისე გვყავს, რომლებიც საქართველოს მასშტაბით  საჯარო სკოლებსა და ორგანიზაციებში მუშაობენ. გარდა ამისა, მოხალისეები  მუშაობენ სხვადასხვა ორგანიზაციებთან, რომ  მხარი დაუჭირონ და გააკეთონ ისეთი ბანაკები, როგორიც ზვარეში მოეწყო.

    ზვარე არაჩვეულებრივი ადგილია ასეთი ტიპის ბანაკებისთვის. მსგავსი ბანაკები  ახალგაზრდებს სხვადასხვა ტიპის უნარჩვევების განვითარებაში ეხმარება. ეს არის საშუალება არამატო შეისწავლონ და მიიღონ ინფორმაცია, არამედ დაისვენონ არაჩვეულებრივ ბუნებაში. ბაშვები დიდი ინტერესით არიან ჩართულები ყველა აქტივობაში, რაშიც მათ ამერიკელი მოხალისეები ეხმარებიან.“

    სალომე მარგველაშვილი (გორის მუნიციპალიტეტი): „Life camp ჩემთვის პირველი არ არის, მაგრამ ვფიქრობ, ზვარეს ბანაკი ერთ–ერთი ყველაზე გამორჩეულია, რაგდან  აქ ძალიან კარგი ადამიანები გავიცანი. ოთხი დღეა ბანაკში ვარ და ბევრი რამ გავიგე ჯანსაღი ცხოვრების წესის შესახებ.  Life camp-მა დამანახა ის, რომ ჯანსაღი ცხოვრების წესით უნდა ვიცხოვრო.“

    გიორგი ჯიქიძე (საჩხერის მუნიციპალიტეტი) „პირველად ვარ ბორჯომ–ხარაგაულის ეროვნულ პარკში. ძალიან მომწონს ბუნება და ზვარეს ბანაკი. აქ მეძლევა საშუალება ჩავერთო აქტივობებში, განვიხილოთ სხვადასხვა თემები და გავიცნო ახალი მეგობრები.“

     

     

    1 აგვისტო 2016

    ნანახია: 2127 - ჯერ

    ვალუტის კურსი
    3.1181
    3.6582
    4.2724
    4.2765
    Kharagauli.ge © ხარაგაულის მუნიციპალიტეტი