{{string}}


სახელი:
E-მაილი
ტექსტი
ხარაგაულის მუნიციპალიტეტი
MUNICIPALITY OF KHARAGAULI
  • კომპანიის „ჰუალინგი საქართველოში“ წარმომადგენლებმა ლახუნდარელი გია დევდარიანის ოჯახში აბრეშუმის წარმოება დაათვალიერეს

    სოფელ ლახუნდარაში მცხოვრებ გია დევდარიანის ოჯახს ხარაგაულის მუნიციპალიტეტის გამგებლის მრჩეველი სოფლისმეურნეობის საკითხებში, მურმან არჯევანიძე და კომპანიის „ჰუალინგი საქართველოში“ ვიცე პრეზიდენტი  სიუ იენ ლინი ესტუმრნენ. გია დევდარიანი და ამირან სამხარაძე თავიანთ ოჯახებთან ერთად პროექტში „აბრეშუმი ხარაგაულიდან“ არიან ჩართულნი. გასულ თვეში, პროექტის ფარგლებში მათ 40 გრამი აბრეშუმის გრენი გადაეცათ.

    კომპანია ჰუალინგი ჩინეთში სხვადასხვა კერძო ბიზნესებთან ერთად აბრეშუმის წარმოებითაა დაკავებული. როგორც მურმან არჯევანიძე ჩვენთან საუბარში აღნიშნავს, ისინი ქუთაისში აბრეშუმის საქსოვი ფაბრიკის აშენებით არიან დაიტერესებულნი. ჰუალინგი ასევე აქტიურად  თანამშრომლობს  ბიზნესმენ ჯიმშერ ჩხაიძესთან, რომელიც ღვინის წარმოებასთან ერთად მეაბრეშუმეობითაა დაინტერესებული.

    სიუ იენ ლინმა სურვილი გამოთქვა, ხარაგაულის ყოფილი „გამთიშველების ქარხნის“ ტერიტორიაზე, სადაც ხარაგაულის აბრეშუმის კოოპერატივის გახსნა იგეგმება,  „საპატრნიორო ფონდის“ 49%–იანი წილობრივი მონაწილეობით, შენობა გაარემონტონ. პირველ ეტაპზე, ხარაგაულში წარმოებულ აბრეშუმის ძაფს ბიზნესმენი ჯიმშერ ჩხაიძე ჩაიბარებს.“

    დარეჯან სამხარაძე (გია დევდარიანის მეუღლე): „ივლისში 40 გრამი აბრეშუმის ჭიის პარკი გადმოგვცეს. აბრეშუმის მოვლა საკმაოდ შრომატევადი საქმიანობაა, მაგრამ ვფიქრობთ, ჩვენი იმედები გამართლდება და ხარაგაულში აბრეშუმის წარმოება განვითარდება.“

    გია დევდარიანის ოჯახში აბრეშუმის წარმოება მოინახულეს, ასევე ხარაგაულის საინფორმაციო–საკონსულტაციო სამსახურის უფროსმა, ბონდო კიკნაველიძემ და იმერეთის რეგიონული სამმართველოს უფროსმა, რუსუდან ძიძიშვილმა.

    ხარაგაულის საინფორმაციო–საკონსულტაციო სამსახურის უფროსი, ბონდო კიკნაველიძე განმარტავს, რომ ამ საქმის წამოწყებაში დიდი წვლილი მიუძღვის მუნიციპალიტეტის გამგებელს, კობა ლურსმანაშვილს და გამგებლის მრჩეველს სოფლის მეურნეობის საკითხებში,მურმან არჯევანიძეს. „რაც შეეხება რუსუდან ძიძიშვილს იგი თავად დაინტერესდა საკითხით და საჭიროების შემთხვევაში, ყოველგვარი დახმარება  და შუამდგომლობა აღგვითქვა ზემდგომ ორგანოებთან.  ვფიქრობ, საზოგადოებაში დაინტერესება კიდევ უფრო გაიზრდება, რაც   ხელს შეუწყობს მოსახლეობის დასაქმებას და ეკონომიკური მდგომარეობის გაუმჯობესებას.“ - განაცხადა ბონდო კიკნაველიძემ.  

     

     

    5 აგვისტო 2016

    ნანახია: 2213 - ჯერ

    ვალუტის კურსი
    http://www.nbg.ge/rss.php not found!
    Kharagauli.ge © ხარაგაულის მუნიციპალიტეტი