17/06/2025
მონაწილეობითი ბიუჯეტი - 2025 დაიწყო
ხარაგაულის მერის ბრძანების საფუძველზე, მონაწილეობითი ბიუჯეტის პროგრამის დაფინანსება 300 ათასი ლარით განისაზღვრა.
საპროექტო წინადადებების განსახორციელებლად საჭირო სავარაუდო თანხის მაქსიმალური ოდენობა , თითოეულ პროექტზე 30 000 ლარი იქნება.
მოქალაქეს შეუძლია წარმოადგინოს ისეთი საპროექტო ინიციატივები, რომელთა განხორციელებაც არ სცილდება ხარაგაულის მუნიციპალიტეტის მერიის უფლებამოსილებას, და ემსახურება საზოგადოებრივ კეთილდღეობას.
მათ შორის:
ინფრასტრუქტურული;
ახალგაზრდული;
საგანმანათლებლო;
კულტურული;
სოციალური;
სპორტული;
საპროექტო ინიციატივის წარმოდგენის უფლება აქვს ხარაგაულის მუნიციპალიტეტის ტერიტორიაზე რეგისტრირებულ ყველა მოქალაქეს 18 წლის ასაკიდან.
გახსენით და შეავსეთ სააპლიკაციო ფორმა, https://forms.gle/FBV7vWQngDskaZK67
რომლის საშუალებითაც თქვენ შეგიძლიათ ინიციატივები წარმოადგინოთ.
საპროექტო წინადადებების წარდგენა ასევე შესაძლებელია მოხდეს ფიზიკურად, საპროექტო წინადადებების ადმინისტრაციულ ერთეულებში მერის წარმომადგენლებისთვის მიწოდებით.
საპროექტო ინიციატივების ჩაბარება მოქალაქეებს შეუძლიათ ასევე ხარაგაულის მუნიციპალიტეტის მერიაში, მის: ხარაგაული, 9 აპრილის ქუჩა 15
ადევნეთ თვალი ხარაგაულის მერიის ოფიციალურ ფეისბუქ გვერდს და მიიღეთ ინფორმაცია პროგრამის განხორციელების თითოეულ ეტაპზე.
ხარაგაულის მერია ელოდება თქვენს იდეებს და წარმატებებს გისურვებთ!
სრულად
17/06/2025
ხარაგაულის მერი,ადმინისტრაციული ერთეულების წარმომადგენლებს შეხვდა
ხარაგაულის მერმა კობა ლურსმანაშვილმა ადმინისტრაციული ერთეულების ხელმძღვანელებთან სოფლის მხარდამჭერი პროგრამის მიმდინარეობის პროცესი განიხილა.
აღინიშნა, რომ მთავრობის განკარგულების საფუძველზე, სოფლის მხარდამჭერი პროგრამის ფარგლებში შერჩეული პროექტების განხორციელება იწყება. კობა ლურსმანაშვილმა ხაზი გაუსვა სამუშაოების ყველა ეტაპის დაგეგმილ ვადებში დასრულების აუცილებლობას.
შეხვედრაზე ასევე განიხილეს სოფლებში გზების რეაბილიტაციის საკითხი. მერმა დეტალური ინფორმაცია მოისმინა რეგიონული განვითარების ფონდის მიერ დაფინანსებული პროექტების მიმდინარეობის შესახებ.
სრულად
17/06/2025
მეხანძრე მაშველებს, პროფესიული დღე მიულოცეს
ხარაგაულის მერის პირველმა მოადგილემ, ვარლამ ჭიპაშვილმა, ხარაგაულის მერის სახელით მადლობის სიგელი გადასცა და პროფესიული დღე მიულოცა შინაგან საქმეთა სამინისტროს , საგანგებო სიტუაციების მართვის სამსახურის , ხარაგაულის და ბორითის სახანძრო - სამაშველო განყოფილების თანამშრომლებს. ,, ჩვენ ვაფასებთ თქვენს სიმტკიცეს, პროფესიონალიზმსა და ყოველდღიურ თავდადებას. გისურვებთ ჯანმრთელობას, სიმშვიდეს, წარმატებულ და უსაფრთხო სამსახურს!“ - განაცხადა ვარლამ ჭიპაშვილმა. მადლობის სიგელი მეხანძრე-მაშველებს სამსახურეობრივი მოვალეობის მაღალ დონეზე შესრულებისა და გამოჩენილი პროფესიონალიზმისთვის გადაეცათ.
სრულად
17/06/2025
ხარაგაულის მუნიციპალიტეტის საგანმანათლებლო რესურსცენტრში, მოსწავლეთა რაიონული კონფერენცია ჩატარდა
სხვადასხვა აქტივობებში წარმატებულმა მოსწავლეებმა მსმენელთა წინაშე შთამბეჭდავი პრეზენტაციები წარადგინეს თემაზე ,,წარმატებული მოსწავლე“.
კონფერენციაში მონაწილეობდნენ: სანდრო ტაბატაძე- ხევის საჯარო სკოლა; ლიზი კურტანიძე- N3 საჯარო სკოლა; მარიამ ბერაძე- ბორის საჯარო სკოლა; შოთა ზვიადაძე- კიცხის საჯარო სკოლა; შოთი წიქარიშვილი- ვაშლევის საჯარო სკოლა.
აღსანიშნავია, რომ მოსწავლეთაგან ორი აბიტურიენტია. თითოეულ მათგანს ბოლო წლების მანძილზე დიდი შრომა და ძალისხმევა აქვთ გაწეული სკოლების, მუნიციპალიტეტის საამაყოდ.
კონფერენციას მერის პირველი მოადგილე, ვარლამ ჭიპაშვილი, პედაგოგები და სხვა მოწვეული სტუმრები ესწრებოდნენ.
ღონისძიების მიწურულს, რესურს ცენტრის ხელმძღვანელმა,მარინე ვეფხვაძემ და მერის პირველმა მოადილემ , ვარლამ ჭიპაშვილმა, ნიჭიერ ახალგაზრდებს სიმბოლური საჩუქრები გადასცეს.
სრულად