{{string}}


სახელი:
E-მაილი
ტექსტი
ხარაგაულის მუნიციპალიტეტი
MUNICIPALITY OF KHARAGAULI
  • დებულება

     

     
    ხარაგაულის მუნიციპალიტეტის საკრებულოს
    დადგენილება №35
    2014 წლის 2 სექტემბერი დაბა ხარაგაული

    ხარაგაულის მუნიციპალიტეტის მერიის ჯანდაცვისა და სოციალური დაცვის სამსახურის დებულების დამტკიცების შესახებ
    ხარაგაულის მუნიციპალიტეტის საკრებულოს 2017 წლის 19 დეკემბრის დადგენილება №36 - ვებგვერდი, 22.12.2017წ.
    საქართველოს ორგანული კანონის „ადგილობრივი თვითმმართველობის კოდექსი“ 24-ე მუხლის პირველი პუნქტის „გ.ბ“ ქვეპუნქტისა და,,ნორმატიული აქტების შესახებ“ საქართველოს კანონის 25-ე მუხლის პირველი პუნქტის „ბ“ ქვეპუნქტის შესაბამისად, ხარაგაულის მუნიციპალიტეტის საკრებულო ადგენს:
    მუხლი 1
    დამტკიცდეს ხარაგაულის მუნიციპალიტეტის მერიის ჯანდაცვისა და სოციალური დაცვის სამსახურის დებულება. ხარაგაულის მუნიციპალიტეტის საკრებულოს 2017 წლის 19 დეკემბრის დადგენილება №36 - ვებგვერდი, 22.12.2017წ. მუხლი 2 ძალადაკარგულედ გამოცხადდეს ხარაგაულის მუნიციპალიტეტის საკრებულოს 2013 წლის 4 მარტის №6 დადგენილება ,,ხარაგაულის მუნიციპალიტეტის გამგეობის სოციალური დაცვის სამსახურის დებულების დამტკიცების შესახებ“ (ვებგვერდი, 11/03/2013). მუხლი 3 ძალადაკარგულად გამოცხადდეს ხარაგაულის მუნიციპალიტეტის საკრებულოს 2013 წლის 4 მარტის №7 დადგენილება „ხარაგაულის მუნიციპალიტეტის გამგეობის ჯანმრთელობის დაცვის სამსახურის დებულების დამტკიცების შესახებ“( ვებგვერდი, 11/03/2013).
    მუხლი 4 დადგენილება ძალაში შევიდეს გამოქვეყნებისთანავე. ხარაგაულის მუნიციპალიტეტის ინგა მაღრაძე
    საკრებულოს თავმჯდომარე
    დანართი №1 ხარაგაულის მუნიციპალიტეტის საკრებულოს 2017 წლის 19 დეკემბრის დადგენილება №36 - ვებგვერდი, 22.12.2017წ.
    ხარაგაულის მუნიციპალიტეტის მერიის ჯანდაცვისა და სოციალური დაცვის სამსახურის დებულება
    მუხლი 1. ზოგადი დებულებანი
    1. ხარაგაულის მუნიციპალიტეტის მერიის ჯანდაცვისა და სოციალური დაცვის სამსახური (ტექსტში შემდგომ „სამსახური“) წარმოადგენს მერიის სტრუქტურიულ ერთეულს, რომელიც უზრუნველყოფს მუნიციპალიტეტში მოსახლეობის ჯანმრთელობის დაცვის, სანიტარულ-ეპიდემიოლოგიური მომსახურების, სოციალური დაცვის მუნიციპალურ პროგრამათა მომზადებას და დამტკიცებულ პროგრამათა განხორციელებას.

    2. სამსახური თავის საქმიანობას წარმართავს საქართველოს კანონმდებლობის, მერიის დებულების, წინამდებარე დებულების და მუნიციპალიტეტის სხვა სამართლებრივი აქტების შესაბამისად.

    3. სამსახურის საშტატო განრიგი და თანამდებობრივი სარგოები განისაზღვრება მერიის საშტატო ნუსხით.

    4. სამსახურს აქვს შესაბამისი ბლანკი და ბეჭედი თავისი დასახელების აღნიშვნით.

    5. სამსახურის ადგილსამყოფელია დაბა ხარაგაული, 9 აპრილის ქუჩა №15.


    მუხლი 2. სამსახურის ფუნქციები, ამოცანები, უფლებები და მოვალეობები
    1. ხარაგაულის მუნიციპალიტეტის მერიის ჯანდაცვისა და სოციალური დაცვის სამსახურის ფუნქციები და ამოცანებია:

    ა) თვითმმართველი ერთეულის მოსახლეობის ჯანმრთელობის დაცვის პროგრამების შემუშავება და მათი განხორციელების კოორდინაცია;

    ბ) საგანგებო ეპიდსიტუაციისას ჯანმრთელობის დაცვისა და სანიტარიულ-ეპიდემიოლოგიური სახელმწიფო ღონისძიებების განხორციელების ხელშეწყობა;

    გ) მოსახლეობის ჯანმრთელობის დაცვის კუთხით მუნიციპალიტეტის ტერიტორიაზე არსებული სამედიცინო დაწესებულებების (საავადმყოფო,პოლიკლინიკა, სოფლის ამბულატორიები და ა.შ.) მონიტორინგი.

    დ) მუნიციპალიტეტის ტერიტორიაზე საბავშვო-სააღმზრდელო და სხვა დაწესებულებების მონიტორინგი სანიტარიულ-ჰიგიენური კუთხით;

    ე) ფიზიკური და იურიდიული პირების მოთხოვნით, სხვადასხვა ობიექტების მშენებლობა-
    რეკონსტრუქციასთან დაკავშირებით სანიტარიული ზედამხედველობის განხორციელება;

    ვ) ჯანმრთელობის და სოციალური დაცვის სახელმწიფო პროგრამების შესრულების მიმდინარეობის ხელშეწყობა;

    ზ) მუნიციპალიტეტის მოსახლეობის სოციალური დაცვის სფეროში გასატარებელ ღონისძიებათა
    შემუშავება და მათი განხორციელების კოორდინაცია;

    თ) თვითმმართველი ერთეულის ტერიტორიაზე სოციალური დაცვის, დასაქმებისა და დემოგრაფიის ერთიანი სახელმწიფო პოლიტიკის გატარების ხელშეწყობა;

    ი) თვითმმართველი ერთეულის ტერიტორიაზე მცხოვრებ იძულებით გადაადგილებულ პირთა აღრიცხვა, მათი პრობლემების შესწავლა, შესაბამისი ღონისძიებების დაგეგმვა და მათი სოციალურ უფლებათა დაცვა;

    კ) მოქმედი კანონმდებლობის თანახმად ვეტერანთა საქმეების კოორდინაცია და მონიტორინგი;

    ლ) თავისი კომპეტენციის ფარგლებში მოსახლეობის სოციალურ მდგომარეობასთან დაკავშირებულ საკითხებზე მონაცემების შეგროვება და მუნიციპალური პროგრამების ბენეფიციართა ერთიანი საინფორმაციო ბაზის შექმნა;

    მ) მოქალაქეთა განცხადებებისა და საჩივრების განხილვა, ანალიზი და მათზე შესაბამისი რეაგირება;

    ნ) საქართველოს კანონმდებლობით, სამსახურის დებულებით და მერის დავალებით სხვა უფლებამოსილებათა განხორციელება.

    ო) „ბავშვთა დაცვის მიმართვიანობის (რეფერირების) პროცედურების დამტკიცების თაობაზე“ საქართველოს მთავრობის 2016 წლის 12 სექტემბრის №437 დადგენილების მოთხოვნათა შესაბამისად კომპეტენციის ფარგლებში ახდენს ბავშვზე ძალადობის ნიშნების იდენტიფიკაციას, მუნიციპალიტეტში მცხოვრებ ბავშვებზე ძალადობის ეჭვის გაჩენის შემთხვევაში ადგილზე ამოწმებს ბავშვებზე ძალადობასთან დაკავშირებულ გადაუდებელ შემთხვევებს, ახდენს შეფასების შედეგების ზუსტ დოკუმენტირებას და სამედიცინო დახმარების უზრუნველყოფას, ხოლო საფუძვლიანი ეჭვის არსებობისას, სავალდებულო წესით აგზავნის შეტყობინებას სააგენტოსა და პოლიციაში, ავსებს საქართველოს მთავრობის დადგენილებით დამტკიცებულ ბავშვთა დაცვის მიმართვის ბარათს, რომელსაც უგზავნის სააგენტოს შესაბამის ტერიტორიულ ერთეულს ფოსტით, ფაქსით ან, არსებობის შემთხვევაში, შესაბამისი ელექტრონული დოკუმენტბრუნვის სისტემით, ხოლო გადაუდებელ შემთხვევაში, ვალდებულის ინფორმაცია ბავშვზე ძალადობის შესახებ დაუყოვნებლივ აცნობოს პოლიციას, გამოიძახოს სასწრაფო სამედიცინო დახმარების ბრიგადა და სააგენტოს შეატყობინოს ,,ცხელი ხაზის“ მეშვეობით ან/და წერილობით.

    2. თავისი ფუნქციების შეუფერხებელი განხორციელებისთვის სამსახურს უფლება აქვს:

    ა) მოითხოვოს და შეუფერხებლად მიიღოს მის კომპეტენციას მიკუთვნებულ საკითხებთან დაკავშირებული ინფორმაცია, საჭიროების შემთხვევაში ცალკეულ საკითხთა განხილვის,
    დაზუსტებისა და დამუშავების მიზნით მოიწვიოს მერიის სტრუქტურული ერთეულების,
    დაწესებულებებისა და საწარმოების წარმომადგენლები და სპეციალისტები;

    ბ) დაქვემდებარებულ სფეროში გამოვლენილი ან შესაძლო დარღვევების თაობაზე მოამზადოს
    სათანადო წინადადებები და დასკვნები შესაბამის ინსტანციაში წარსადგენად;

    გ) სამსახურის კომპეტენციაში შემავალ საკითხებზე ჩაატაროს თათბირები და სხვა ორგანიზაციული ღონისძიებები, საჭიროების შემთხვევაში მოიწვიოს სპეციალისტები და ექსპერტები;

    დ) მიიღოს ინფორმაცია მუნიციპალიტეტის ტერიტორიაზე მოქმედი იურიდიული და ფიზიკური პირების სამედიცინო საქმიანობის უფლებამოსილების საკითხებზე, საჭიროების შემთხვევაში შესაბამისი ორგანოების წინაშე დასვას საკითხი მათი სამედიცინო საქმიანობის ნებართვის შეჩერების ან შეწყვეტის მოთხოვნით;

    ე) განახორციელოს საქართველოს კანონმდებლობით, სამსახურის დებულებითა და მერის დავალებით განსაზღვრული სხვა უფლებამოსილებები.

    3. სამსახური ვალდებულია:

    ა) პასუხი აგოს მასზე გადაცემული ქონების შენახვასა და დაცვაზე;

    ბ) მოცემული დებულებით განსაზღვრული უფლებების ფარგლებში შეასრულოს მუნიციპალიტეტის საკრებულოს და მერიის სამართლებრივი აქტები;

    გ) ჯანმრთელობისა და სოციალური დაცვის მუნიციპალურ პროგრამათა განხორციელება;

    დ) თავის ფუნქციების განხორციელებისას შეასრულოს მოქმედი კანონმდებლობით, შესაბამისის სამართლებრივი აქტებით და ამ დებულებით განსაზღვრული მოთხოვნები.


    მუხლი 3. სამსახურის სტრუქტურა სამსახურის სტრუქტურაში შედის:

    ა) პირველადი სტრუქტურული ერთეულის ხელმძღვანელი;

    ბ) მეორადი სტრუქტურული ერთეულის ხელმძღვანელი;

    გ) მესამე რანგის უფროსი სპეციალისტები;

    დ) მეოთხე რანგის უმცროსი სპეციალისტები.


    მუხლი 4. პირველადი სტრუქტურული ერთეულის ხელმძღვანელი
    1. მერიის პირველადი სტრუქტურული ერთეულის ხელმძღვანელი – ჯანდაცვისა და სოციალური დაცვის სამსახურის უფროსი არის საჯარო მოხელე, რომელსაც ,,საჯარო სამსახურის შესახებ“ საქართველოს კანონით დადგენილი წესით თანამდებობაზე ნიშნავს და თანამდებობიდან ათავისუფლებს მერი.

    2. მერიის პირველადი სტრუქტურული ერთეულის ხელმძღვანელი:

    ა) წარმართავს სტრუქტურული ერთეულის საქმიანობას და პასუხისმგებელია ამ ერთეულის მიმართ დაკისრებული ამოცანების და ფუნქციების შესრულებაზე;

    ბ) ანაწილებს ფუნქციებს სამსახურის მოსამსახურეთა შორის;

    გ) მერს წარუდგენს წინადადებებს სტრუქტურული ერთეულის საკადრო საკითხებთან დაკავშირებით, მოსამსახურეთა წახალისების და მათთვის დისციპლინარული პასუხისმგებლობის დაკისრების, მოსამსახურეთა მიერ მორიგი და დამატებით შვებულებების გამოყენების, მოსამსახურეთა
    სამსახურებრივი მივლინებების, კვალიფიკაციის ამაღლებისა და სწავლების შესახებ;

    დ) განსაზღვრავს სტრუქტურული ერთეულის საქმიანობის ორგანიზებისა და დაგეგმვის წესს, ფორმებსა და მეთოდებს, სტრუქტურული ერთეულის მოსამსახურეთა თანამდებობრივ მოვალეობებს;

    ე) მერს წარუდგენს სტრუქტურული ერთეულის მიერ მომზადებულ საკითხებს, წინადადებებს,
    დასკვნებსა და რეკომენდაციებს;

    ვ) მერს პერიოდულად წარუდგენს ანგარიშს სტრუქტურული ერთეულის მიერ შესრულებულ
    სამუშაოთა შესახებ;

    ზ) ანგარიშვალდებულია მერის წინაშეж

    თ) სამსახურის უფროსის არყოფნის შემთხვევაში მერის დავალებით მის უფლებამოვალეობებს ახორციელებს სამსახურის მეორადი სტრუქტურული ერთეულის ხელმძღვანელი – განყოფილების უფროსი, ხოლო მის არყოფნის შემთხვევაში სამსახურის ერთ-ერთი უფროსი სპეციალისტი.


    მუხლი 5. მეორადი სტრუქტურული ერთეულის ხელმძღვანელი – განყოფილების უფროსი
    1. მეორადი სტრუქტურული ერთეულის ხელმძღვანელს – განყოფილების უფროსს ,,საჯარო სამსახურის შესახებ“ საქართველოს კანონით დადგენილი წესით თანამდებობაზე ნიშნავს და თანამდებობიდან ათავისუფლებს მერი.

    2. მეორადი სტრუქტურული ერთეულის ხელმძღვანელი:

    ა) წარმართავს განყოფილების საქმიანობას;

    ბ) უზრუნველყოფს განყოფილების მიერ სამსახურის დებულებით განსაზღვრული ფუნქციების
    განხორციელებას;

    გ) ანაწილებს დავალებებს განყოფილების მოსამსახურეებს შორის, უზრუნველყოფს სამუშაო გეგმებით და პირველადი სტრუქტურული ერთეულის ხელმძღვანელის – სამსახურის უფროსის ცალკეული დავალებებით გათვალისწინებული ღონისძიებების განხორციელებას;

    დ) უზრუნველყოფს დადგენილი წესით განყოფილების საქმისწარმოებასж

    ე) პირველადი სტრუქტურული ერთეულის ხელმძღვანელს-სამსახურის უფროსს წარუდგენს წინადადებებს მოსამსახურეთა წახალისების ან მათ მიმართ დისციპლინური ზომების გამოყენების
    შესახებ;

    ვ) ახორციელებს მოქმედი კანონმდებლობით, მერიის დებულებით და ამ დებულებით განსაზღვრულ სხვა უფლებამოსილებებს.

    3. მეორადი სტრუქტურული ერთეულის ხელმძღვანელის – განყოფილების უფროსის არყოფნის შემთხვევაში პირველადი სტრუქტურული ერთეულის ხელმძღვანელის – სამსახურის უფროსის დავალებით განყოფილების უფროსის უფლებამოვალეობებს ახორციელებს განყოფილების უფროსი სპეციალისტი, ხოლო მის არყოფნის შემთხვევაში განყოფილების ერთ-ერთი უმცროსი სპეციალისტი.

    4. უზრუნველყოფს საქართველოს კანონმდებლობით, სამსახურის დებულებით და მერის დავალებით სხვა უფლებამოსილებათა განხორციელებას.


    მუხლი 6. სოციალური დაცვის განყოფილების ფუნქციები

    1. თვითმმართველი ერთეულის მოსახლეობის სოციალური დაცვის პროგრამების შემუშავება და მათი განხორციელების კოორდინაცია.

    2. სოციალური დაცვის სფეროში გასატარებელ ღონისძიებათა შემუშავება და მათი განხორციელების კოორდინაცია.

    3. სხვადასხვა კატეგორიის სოციალურად დაუცველი პირების აღრიცხვა, მათზე სოციალური დახმარებისა და სხვა სახის შეღავათების დაწესების შესახებ წინადადებების მომზადება.

    4. თვითმმართველი ერთეულის ტერიტორიაზე სოციალური დაცვის, დასაქმებისა და დემოგრაფიის ერთიანი სახელმწიფო პოლიტიკის გატარების ხელშეწყობა.

    5. თვითმმართველი ერთეულის ტერიტორიაზე მცხოვრებ იძულებით გადაადგილებულ პირთა აღრიცხვა, მათი პრობლემების შესწავლა, შესაბამისი ღონისძიებების დაგეგმვა და მათი სოციალურ უფლებათა დაცვა.

    7. იმ პირთა აღრიცხვის ორგანიზება, რომელთა დახმარებაც ხდება ადგილობრივი ბიუჯეტიდან.

    8. მოქმედი კანონმდებლობის თანახმად ვეტერანთა საქმეების კოორდინაცია და მონიტორინგი.

    9. საქართველოს კანონმდებლობით, სამსახურის დებულებით და მერის დავალებით სხვა უფლებამოსილებათა განხორციელება.

     

    ვალუტის კურსი
    2.6664
    3.0925
    3.5076
  • სამსახურის უფროსი
  • სოციალური დაცვის განყოფილება
    Kharagauli.ge © ხარაგაულის მუნიციპალიტეტი